Aron Kristinn Zumbergs hefur skrifað undir sinn fyrsta samning við ÍA. Samningurinn gildir út tímabilið 2028.
Aron er fæddur árið 2010 en hann var lykilmaður í 3. flokki í sumar og átti stóran þátt þegar liðið hafnaði í 2. sæti í Íslandsmótinu.
Mikið efni hér á ferð sem hefur spilað sex landsleiki fyrir U15 og U16 landslið Íslands.
„Við óskum Aroni innilega til hamingju með samninginn og hlökkum til að sjá hann halda áfram að þróast í gulu treyjunni," segir í tilkynningu frá ÍA.
Athugasemdir
