FHL 0 - 2 Valur
0-1 Natasha Anasi ('9)
0-2 Jasmín Erla Ingadóttir ('23)
0-1 Natasha Anasi ('9)
0-2 Jasmín Erla Ingadóttir ('23)
Lestu um leikinn: FHL 0 - 2 Valur
Nýliðar FHL tóku á móti stórveldi Vals í 2. umferð nýs tímabils í Bestu deild kvenna og tóku gestirnir frá Hlíðarenda forystuna snemma leiks.
Natasha Anasi skoraði fyrsta mark leiksins með skalla eftir hornspyrnu á níundu mínútu áður en Jasmín Erla Ingadóttir tvöfaldaði forystuna stundarfjórðungi síðar.
Valskonur voru sterkari aðilinn en FHL átti sínar rispur og féll Hope Santaniello tvisvar til jarðar innan vítateigs í fyrri hálfleik við mikil hróp úr stúkunni, en ekkert dæmt.
Síðari hálfleikurinn einkenndist af mikilli baráttu þar sem var lítið um færi. Því meira sem tók að líða á leikinn því sterkari urðu heimakonur, sem lögðu allt í sóknina á lokamínútunum en tókst þó ekki að skora.
Lokatölur 0-2 fyrir Val sem er með fjögur stig eftir tvær fyrstu umferðirnar. FHL hefur ekki tekist að skora mark og er án stiga.
Í næstu umferð spilar Valur heimaleik við Þór/KA á meðan FHL heimsækir FH.
Athugasemdir
