Fótbolti.net

Útskýrir af hverju hann er orðinn þjálfari Sindra: Ákvað að hætta í janúar

„Vissi að það yrði erfitt að kveðja en varð mun erfiðara en ég átti von á"

29 ára þjálfari í efstu deild - „Frábært að koma inn í svona stórt félag"

Lítur á HK sem klárt skref upp á við - „Kitlar egóið að vera í þannig stöðu"

Sverrir spenntur fyrir framtíðinni: Við erum með mjög gott lið

Elías Rafn: Eigum ekki að fá á okkur svona einföld mörk

Hákon Arnar: Mun taka tíma að jafna sig á þessu

Guðlaugur Victor: Trúði ekki þessari vörslu

Brynjólfur: Áfram gakk og við förum á næsta stórmót

Jón Dagur um að HM draumurinn sé horfinn: Gríðarleg vonbrigði

Ísak Bergmann: Þetta er bara okkar Króatía

Hilmar Jökull: Verðum í bullandi minnihluta en það verður fjör

Toddi: Ef við byrjum eins og í Bakú þá eigum við góða möguleika

Brynjar Björn: Öll liðin eiga möguleika á umspilssæti

Andri Lucas: Þeir sýndu aðeins meiri lit

Kristian Hlyns: Erfitt að fá byrjunarliðssæti í þessu liði

Hákon Arnar: Geggjaður gæi og geggjaður leikmaður

Ísak Bergmann: Svo auðvelt að spila með Alberti

Jói Berg: Frábært afrek fyrir mig og mína fjölskyldu

Albert: Galið hvað ég var með stórt útisvæði til að halda partí

þri 21. júní 2022 21:42

Arnar Daði Arnarsson

Arnar Gunnlaugs: Fólk mun tala um að Eistland séu lélegir í fótbolta

Mynd: Fótbolti.net - Hafliði Breiðfjörð

Arnar Gunnlaugsson var að vonum himinlifandi með 6-1 sigur sinna manna gegn eistnesku meisturunum í Levadia Tallin í Víkinni í kvöld. Sigurinn tryggði Víkingum í úrslitaleik gegn Inter Escaldes, landsmeisturnum frá Andorra en sá leikur fer fram næstkomandi föstudag í Víkinni.

Þetta var jafnframt fyrsti sigur Víkings í Evrópukeppni.

Lestu um leikinn: Levadia Tallinn 1 - 6 Víkingur R.

„Mér fannst við eiga stórkostlegan fyrri hálfleik sem lagði grunninn á þessum sigri. Það var svakalega mikið orkustig og hvernig við pressuðum og hvernig við tókumst á við þá áskorun að spila þannig séð nýtt kerfi og láta ekki höggið í byrjun leiks slá okkur af laginu. Þetta var hrikalega heilsteypt frammistaða í fyrri hálfleik sem skóp þennan sigur," sagði Arnar Gunnlaugsson sem sagðist hafa séð það í upphitun í hvað stefndi. Þrátt fyrir að hafa lent 1-0 undir í byrjun leiks hafi það ekki haft áhrif á liðið.

„Maður sér það stundum í upphitun og maður fær tilfinningu fyrir leiknum. Það var svo mikið orkustig og fókus í liðinu. Þeir áttu erfitt með að klukka okkur og við fundum alltaf lausnir og við áttum þvílíkt orkustig til að pressa þá hátt upp á vellinum," sagði Arnar og hélt áfram.

„Ég veit að fólk mun tala um að Eistland séu lélegir í fótbolta. Ég minni enn og aftur á að þeir eru meistarar í Eistlandi og liðið í 2.sæti var í riðlakeppni Sambandsdeildarinnar. Ég vil frekar að við og fólk horfi frekar á hversu góðir við vorum í stað þess að tala um hversu lélegir þeir voru."

Arnar bendir á að árangur íslenskra liða hafi ekki verið upp á marga fiska í Evrópukeppninni undanfarin ár en vonast til að það breytist með breyttu hugarfari.

„Við höfum verið of litlir í okkur í Evrópukeppnum undanfarin ár. Breiðablik sýndi mjög góða leið í fyrra með því að nálgast þessa leiki eins og á að gera það. Bæði við og Breiðablik erum í góðu formi og þú getur spilað svona leik í Evrópu. Ég er ekki að segja að við gætum gert það sama gegn Manchester City. En á móti svona liðum þá getum við haft hátt orkustig og spilað okkar leik og við verðum að halda því áfram, á föstudaginn."

Sigurvegarnir úr leiknum á föstudaginn fara í forkeppni Meistaradeildarinnar og mæta þar sænska stórliðinu, Malmö.
Ítarlegra viðtal við Arnar má sjá í sjónvarpinu hér að ofan.