Anna Rakel Pétursdóttir, leikmaður Vals, er á leið í aðgerð í ágúst og verður ekki meira með á þessari leiktíð. Rakel, eins og hún er oftast kölluð, meiddist fyrir mót en spilaði fyrstu tvo leikina í deildinni með Val.
Síðan hefur Rakel ekkert komið við sögu vegna mjaðmameiðsla sem eru enn að hrjá hana.
Síðan hefur Rakel ekkert komið við sögu vegna mjaðmameiðsla sem eru enn að hrjá hana.
Hún staðfesti við Fótbolta.net að hún væri á leið í aðgerð og yrði frá í 4-6 mánuði eftir hana.
Rakel gekk í raðir Vals frá sænska liðinu Uppsala eftir síðasta tímabil. Hún er uppalin í KA og lék með Þór/KA þar til hún hélt til Svíþjóðar eftir tímabilið 2018. Hún lék með Linköping árið 2019 og Uppsala 2020.
Hún á að baki sjö A-landsleiki og kom sá síðasti í mars í fyrra. Rakel verður 23 ára eftir rúman mánuð.
Athugasemdir