Ögmundur Kristinsson sat á bekknum og fylgdist með sínum mönnum í Olympiakos leggja Neftci Baku að velli í hörkuleik í undankeppni Meistaradeildarinnar í kvöld.
Olympiakos tók forystuna þegar Mady Camara skoraði í fyrri hálfleik en hann lét svo reka sig af velli tæpum stundarfjórðungi síðar fyrir merkilegt hættuspark.
Camara var þá búinn að bakka í vörn og ætlaði að hreinsa í burtu með bakfallsspyrnu en í stað þess að hitta knöttinn sparkaði hann beint í andlitið á andstæðingi sínum. Stórhættulegt og verðskuldað rautt spjald.
Í síðari hálfleik var komið að Mert Celik. Hann var í varnarlínunni þegar leikmaður Olympiakos virtist vera að sleppa í gegn. Celik reyndi að sparka í knöttinn en sóknarmaðurinn var á undan og aftur var hættuspark beint í andlitið og verðskuldað rautt spjald.
Atvikin skrautlegu má sjá hér fyrir neðan, en það er ekki oft sem tveir leikmenn fá beint rautt spjald fyrir hættuspark í sama leiknum.
Fyrra sparkið
Seinna sparkið
Athugasemdir