Varnarmaðurinn Bjarki Aðalsteinsson er farinn frá Leikni eftir að hafa spilað fyrir félagið í sex ár. Þetta staðfestu Leiknismenn í gær.
Bjarki, sem er 31 árs, kom til Leiknis frá Selfossi í byrjun árs 2017 en síðan þá hefur hann spilað 127 leiki í deild- og bikar og gert tvö mörk en hann var lykilmaður er liðið kom sér upp í efstu deild fyrir þremur árum.
Leiknismenn féllu úr Bestu-deildinni eftir síðasta tímabil og munu því spila í Lengjudeildini í sumar en Bjarki mun ekki taka slaginn með liðinu.
Samningur hans við Leikni rann út um áramótin og hefur félagið nú staðfest að hann verði ekki áfram á næsta tímabili. Bjarki hefur verið orðaður við Keflavík.
Bjarki ólst upp í Breiðabliki en hann hefur einnig spilað fyrir Augnablik, Þór, Reyni Sandgerði og Selfoss á ferlinum.
Okkar allra besti Bjarki Aðalsteins er horfinn á braut eftir 6 ár og 127 leiki í deild og bikar. Turninn í hjarta varnarinnar mætti á svæðið 2017 og tók þátt í sögulegum árangri félagsins í framhaldinu. Takk fyrir allt Bjarki og gangi þér vel í næstu áskorun. #StoltBreiðholts pic.twitter.com/wISjaXLnND
— Leiknir Reykjavík FC (@LeiknirRvkFC) January 21, 2023
Athugasemdir