Brasilíski sóknarmaðurinn Vitor Roque á ekki afturkvæmt í Barcelona en þetta segir ítalski blaðamaðurinn Fabrizio Romano.
Roque, sem samdi við Barcelona í lok árs 2023, yfirgaf félagið síðasta sumar og hélt á lán til Real Betis.
Umboðsmaður Roque var óánægður með framkomu Barcelona í garð Roque og ákvað því að fara með hann annað.
Romano segir að ævintýri Roque hjá Barcelona sé lokið. Félagið ætlar að selja hann í sumar.
„Ég vil bara einbeita mér að þeim leikmönnum sem eru hjá félaginu og hann ákvað að fara,“ sagði Flick við fjölmiðla.
Samkvæmt brasilískum miðlum er Palmeiras í viðræðum við Barcelona um að fá Roque á láni og gera síðan skiptin varanleg fyrir 27 milljónir evra í sumar.
Athugasemdir
