Unai Emery, fyrrum þjálfari Sevilla, PSG og Arsenal, er samningslaus um þessar mundir og segist hafa verið í viðræðum við nokkur félög úr ítölsku Serie A deildinni.
Hann veit ekki hvað næsta skref á ferlinum verður og segist hann vera tilbúinn til að mæta aftur til starfa eftir langþráð á endurnærandi frí.
„Ég þjálfaði í sextán ár í röð og ákvað að taka mér smá pásu til að undirbúa mig fyrir næsta verkefni. Ég er opinn fyrir öllu og ætla ekki að útiloka neitt. Ég væri til í að starfa á Englandi, Frakklandi eða Spáni þar sem ég hef verið áður eða á Ítalíu þar sem ég hef aldrei þjálfað," sagði Emery í samtali við vefsíðu TuttoJuve.
„Ég hef verið í samskiptum við nokkur félög á Ítalíu og fylgist náið með fótboltanum þar. Ég er hrifinn af Juventus og Maurizio Sarri.
„Hann gerði mjög vel hjá Chelsea, að enda í þriðja sæti og vinna Evrópudeildina er afrek. Juve er með frábært lið og er meðal fjögurra sigurstranglegustu liða Meistaraeildarinnar."
Athugasemdir