Erik ten Hag, stjóri Manchester United.
Sparkspekingurinn Jamie Carragher segir að sigur Manchester United gegn Coventry í gær hafi verið heppnissigur og að leikmenn liðsins hljóti að hafa skammast sín í klefanum eftir leikinn.
Hann segir að frammistaða United hafi verið það slæm að þrátt fyrir að hafa komist í bikarúrslitaleikinn þá sé ljóst að Erik ten Hag geti ekki haldið starfi sínu eftir sumarið.
United komst í 3-0 en Coventry jafnaði og var hársbreidd fyrir því að skora sigurmarkið. Leikurinn fór í vítakeppni þar sem United hafði betur og mun mæta Manchester City í úrslitum.
Hann segir að frammistaða United hafi verið það slæm að þrátt fyrir að hafa komist í bikarúrslitaleikinn þá sé ljóst að Erik ten Hag geti ekki haldið starfi sínu eftir sumarið.
United komst í 3-0 en Coventry jafnaði og var hársbreidd fyrir því að skora sigurmarkið. Leikurinn fór í vítakeppni þar sem United hafði betur og mun mæta Manchester City í úrslitum.
„Ég held að þessi leikur hafi kostað stjóra Man United starfið, ég sé ekki hvernig hann getur haldið starfinu. Þetta er svona frammistaða eftir frammistöðu," segir Carragher.
„Ég get ímyndað mér að leikmenn hafi aldrei skammast sín jafnmikið í klefanum eftir að hafa unnið stóran leik. Leikmennirnir sitja væntanlega og bara horfa á hvorn annan, þeir vita ekki hvort þeir eigi að fagna."
Athugasemdir
