Georgía og Tékkland mættust í fyrsta leik dagsins á Evrópumótinu og byrjuðu Tékkar af miklum krafti, en Giorgi Mamadarshvili átti stórleik á milli stanga Georgíu og varði hvert dauðafærið fætur öðru.

Tékkar komu boltanum í netið á 23. mínútu en markið dæmt ógilt eftir athugun í VAR, vegna hendi í aðdragandanum. Í uppbótartíma fyrri hálfleiks var svo aftur dæmd hendi eftir athugun í VAR og aftur féll ákvörðunin gegn Tékkum.

Í þetta skiptið var dæmd vítaspyrna eftir að boltinn skoppaði í hendi leikmanns Tékka innan teigs og skoraði Georges Mikautadze örugglega af vítapunktinum.

Tékkar héldu áfram að sækja í sig veðrið í síðari hálfleik og náðu að gera jöfnunarmark á 59. mínútu, þegar Patrick Schick skoraði eftir hornspyrnu. Skalli Tékka hafnaði í stönginni og hrökk boltinn af Schick og þaðan í netið.

Tékkar sóttu áfram á lokakaflanum en þeim tókst ekki að skora sigurmark framhjá þéttri vörn Georgíu, sem virtist sætta sig við jafntefli þrátt fyrir tap í fyrstu umferð.

Lokatölur 1-1 og eiga þessar tvær þjóðir afar veika von um að komast áfram í útsláttarkeppni Evrópumótsins.

F-riðill:
1. Tyrkland 3 stig (1 leikur)
2. Portúgal 3 stig (1 leikur)
3. Tékkland 1 stig (2 leikir)
4. Georgía 1 stig (2 leikir)