Paris Saint-Germain styrkti stöðu sína á toppi frönsku úrvalsdeildarinnar með sigri á Lille á heimavelli í kvöld.

Neymar sneri aftur í lið PSG eftir meiðsli og var hann í byrjunarliðinu. Honum var skipt af velli á 65. mínútu fyrir Kylian Mbappe sem hefur verið að glíma við veikindi. Mbappe hefur einnig verið mikið í meiðslum á þessu tímabili.

Leikurinn endaði með 2-0 sigri PSG. Argentínumennirnir Mauro Icardi og Angel Di Maria skoruðu mörkin í fyrri hálfleiknum.

Lille er í sjöunda sæti, en PSG er á toppi deildarinnar með 11 stiga forystu eftir 14 leiki spilaða.

Tweet

Senda a Facebook Hafdu samband Senda frétt Prenta frétt Frétta leit