,,Alexa tryggði þennan sigur og ég kláraði bara að skora úr fjórða vítinu," sagði Guðmunda Brynja Óladóttir framherji Selfoss eftir að liðið vann Fylki í vítaspyrnukeppni í undanúrslitum Borgunarbikarsins í kvöld.
Lestu um leikinn: Fylkir 2 - 5 Selfoss
Guðmunda Brynjar skoraði úr síðasta vítinu og tryggði sigurinn en þá hafði Alexa Gaul markvörður liðsins varið þrjú víti og skorað úr einu sjálf.
,,Þetta var jafn leikur og baráttuleikur. Það var mikið barist og fullt af gulum spjöldum og höfuðmeiðsl. Þetta var bara geðveikt. Adrenalínið er alveg í hæsta og þvílíkt góð tilfinning að vera loksins komin á Laugardalsvöllinn."
,,Við erum að skrifa söguna á Selfossi, þetta er í fyrsta sinn sem Selfoss fer í úrslitin og það er ótrúlega gaman að fá að taka þátt í því."
