Ögmundur Kristinsson varði í dag mark AEL Larissa líkt og venjulega. Liðið fékk Panathinaikos í heimsókn í grísku Ofurdeildinni.
Anastasios Chatzigiovannis kom gestunum yfir á 25. mínútu úr vítaspyrnu. Þremur mínútum seinna var hann aftur kominn á vítapunktinn en þá sá Ögmundur við honum. Anastasios ætlaði að vippa boltanum í markið en það vildi ekki betur til en svo að Ögmundur greip boltann.
Anastasios Chatzigiovannis kom gestunum yfir á 25. mínútu úr vítaspyrnu. Þremur mínútum seinna var hann aftur kominn á vítapunktinn en þá sá Ögmundur við honum. Anastasios ætlaði að vippa boltanum í markið en það vildi ekki betur til en svo að Ögmundur greip boltann.
Það var ekki erfitt fyrir Ögmund að verja þessa spyrnu. pic.twitter.com/m1zna3bJ0m
— Íslendingavaktin (@Islendingavakt) January 25, 2020
Í uppbótartíma seinni hálfleiks fékk Panathinaikos svo aftur víti og þá skoraði Giannis Bouzoukis framhjá Ögmundi.
0-2 tap staðreynd hjá Larissa. Liðið er í 9. sæti deildarinnar, þremur stigum frá 6. sætinu sem gefur keppnisrétt í Meistarakeppninni í vor. Larissa hefur ekki riðið feitum hesti á þessu ári því liðið hefur tapað þremur leikjum og gert tvö jafntefli á þessu ári.
AEL Larissa 0 - 2 Panathinaikos
Aron Bjarnason lék síðasta hálftímann með Ujpest í tapi gegn Debrecen á útivelli. Debrecen vann 4-0 í kvöld.
Ujpest er í 6. sæti með 24 stig, tveimur stigum meira en Debrecen sem er í 7. sætinu.
Debrecen 4 - 0 Ujpest
Þá lék Kolbeinn Birgir Finnsson með Dortmund II í 3-1 heimasigri á Wuppertaler. Dortmund II er í 8. sæti Vestur-svæðisdeildarinnar með 28 stig eftir 20 umferðir.
Kolbeinn Finnsson (1999) played a very good game today as left wingback when @BVB II won Wuppertaler 3-1 🇮🇸👌 pic.twitter.com/TlVtGFa2MT
— Magnus Agnar Magnusson (@totalfl) January 25, 2020
Dortmund II 3-1 Wuppertaler
Athugasemdir
