„Heilt yfir er ég nokkuð sáttur og held það væri frekja að biðja um eitthvað meira. Mér fannst við aðeins byrja á afturfótunum en eftir markið þeirra stigum við vel upp og heilt yfir fannst mér við fá betri færi en þeir, ég er kannski hlutdrægur með það," segir Bjarki Baldvinsson sem stýrði sínum fyrsta leik í Lengjudeildinni í dag.
Bjarki er þjálfari Völsungs sem tók á móti Leikni í fyrstu umferð Lengjudeildarinnar í dag.
Bjarki er þjálfari Völsungs sem tók á móti Leikni í fyrstu umferð Lengjudeildarinnar í dag.
Lestu um leikinn: Völsungur 1 - 1 Leiknir R.
„Auðvitað hefði ég viljað vinna þetta í lokin, við fengum færin til þess. Við hefðum getað komið okkur í fleiri færi, en held það væri frekja að biðja um eitthvað mikið meira. Auðvitað viljum við taka þrjú stig á heimavelli," segir Bjarki.
Hann tók við liði Völsungs ásamt Elfari Árna Aðalsteinssyni nýlega og stýra þeir liðinu til bráðabirgða eftir að Patrick De Wilde var látinn fara. Hann var spurður út í undirbúninginn.
„Undirbúningurinn í siðustu viku var fínn en Leiknir er augljóslega búinn að spila 6-7 alvöru leiki. Við náðum að spila við Hött um síðustu helgi. Ég ætlaði ekki að vera í fótbolta í sumar og er bara að koma mér inn í þetta."
„Ég hef ekki hugmynd hversu lengi við verðum þjálfarar, ég held að samkvæmt ströngustu reglum megum við það ekki einu sinni," segir Bjarki.
Viðtalið í heild má sjá í spilaranum efst
