Tindastóll tapaði í kvöld 0-3 gegn Þór/KA í fyrsta leik í neðri hluta Bestu deildarinnar. Tindastóll þurfti nauðsynlega á sigri að halda til að eiga möguleika á að halda sér uppi en þurfa nú að treysta á önnur úrslit.
Aðspurður um viðbrögð eftir leik svaraði Halldór Jón Sigurðsson, Donni, þjálfari Tindastóls,
„Bara ótrúlega svekktur, dapur, ég er ekkert svekktur með vinnuframlagið, dugnaðinn, vinnusemina, stelpurnar gáfu allt í þetta og voru ótrúlega flottar fannst mér“
„Þær börðust og reyndu sitt allra besta en það var bara ekki nóg,
Lestu um leikinn: Þór/KA 3 - 0 Tindastóll
„Þór/KA ná að skora snemma sem var vont. Töluðum um það fyrir leikinn að transitionið og föst leikatriði yrðu þeirra helstu vopn skulum við segja því við ætluðum að pressa þær upp í rassgat þannig að það var raunin, þær skora eftir transition og skora svo eftir föst leikatriði, það er mjög svekkjandi og bítur pínu.“
„Heilt yfir, ég ætla ekkert að vera svekktur með stelpurnar því þær gáfu allt í þetta og lögðu sig allar fram og ég er bara stoltur af þeim fyrir það.“
Falldraugurinn er yfirvofandi og þarf Tindastóll að treysta á að Fram misstígi sig til að Tindastóll eigi möguleika, hvernig er fókus og undirbúningi háttað við svoleiðis aðstæður?
„Ég veit það ekki, það verður eiginlega bara að koma í ljós eftir næsta leik, eftir leik FHL og Fram hvernig við undirbúum okkur fyrir næstu leiki, hvort það sé möguleiki eða ekki. Fram er bara betra lið heldur en FHL, þannig að ég á erfitt með að sjá að þær geri eitthvað á móti þeim. Það verður bara að koma í ljós hvernig það fer.“
„Verðum við ekki bara að segja að við ætlum að einbeita okkur að okkur sjálfum og reyna bara að klára tímabilið með eins mikilli sæmd og við mögulega getum.“
Viðtalið í heild má sjá í spilaranum hér að ofan
