Ronaldo sleppur með eins leiks bann, sem hann hefur þegar afplánað.
Cristiano Ronaldo sleppur með eins leiks bann fyrir rauða spjaldið sem hann fékk gegn Írlandi. Þessi fertugi Portúgali lét reka sig af velli í 2-0 tapi gegn Heimi Hallgrímssyni og lærisveinum fyrir að gefa Dara O'Shea olnbogaskot.
Í umræðunni var möguleg þynging vegna ofbeldisfullrar framkomu en hann hefði þá byrjað HM á næsta ári í leikbanni.
Í umræðunni var möguleg þynging vegna ofbeldisfullrar framkomu en hann hefði þá byrjað HM á næsta ári í leikbanni.
Aganefnd FIFA hefur hinsvegar komist að þeirri niðurstöðu að einn leikur sé hæfilegt leikbann.
Ronaldo hefur þegar afplánað leikbannið því hann spilaði ekki í 9-1 sigri gegn Armeníu í lokumferð riðilsins.
HM fer fram í Bandaríkjunum, Mexíkó og Kanada á næsta ári en Portúgal vann sinn riðil og er því komið með þátttökurétt. Ronaldo skoraði fimm mörk í undankeppninni.
Athugasemdir
