Pereira íhugar að gefa ekki kost á sér eftir hörð viðbrögð stuðningsmanna Everton

Portúgalinn er sagður sár yfir viðbrögðunum og telur að fólk sé að dæma hann án þess að þekkja hann neitt. Hann íhugar nú að hætta við að gefa kost á sér í starfið.

Spreyjað var á vegg við Goodison Park, heimavöll Everton, eins og fjallað var um fyrr í dag.

Pereira stýrði Porto tvisvar til sigurs í portúgölsku úrvalsdeildinni, 2012 og 2013. Síðan hefur hann verið á ferðalagi um heiminn og þjálfað í Sádí-Arabíu, Grikklandi, Tyrklandi, Þýskalandi og Kína. Síðast stýrði hann Fenerbahce í Tyrklandi en er sem stendur án starfs.

Frank Lampard, fyrrum stjóri Chelsea, er nú talinn líklegastur til að taka við Everton sem er í stjóraleit eftir að Rafa Benítez var rekinn. Ljóst er að stór hluti stuðningsmanna er með Lampard efstan á sínum óskalista.