Lið vikunnar í enska - Fimm Argentínumenn!

Markvörður: Emiliano Martínez (Aston Villa) - Hetjuleg frammistaða argentínska markvarðarins í 2-0 útisigri gegn Everton.

Varnarmaður: Lisandro Martínez (Manchester United) - Argentínumenn eru að gera góða hluti í enska boltanum. Martínez setur tóninn hjá United og var frábær á Wembley.

Varnarmaður: Rico Lewis (Manchester City) - Táningurinn sýndi fyrirmyndar frammistöðu þegar Manchester City vann öruggan 4-1 sigur gegn Bournemouth. Átti stóran þátt í uppbyggingu fyrsta marksins. Ekki að ástæðulausu að Pep Guardiola hefur tröllatrú á stráknum.

Varnarmaður: Cristian Romero (Tottenham) - Argentínumaðurinn öflugur í vörn Spurs sem vann 2-0 sigur gegn Chelsea.

Miðjumaður: Casemiro (Manchester United) - Hefur gert stórkostlega hluti fyrir Manchester United og skoraði fyrra mark liðsins á Wembley. Er vanur því að lyfta bikurum.

Miðjumaður: Declan Rice (West Ham) - Hamrarnir þurftu nauðsynlega á sigri að halda og þeir unnu Nottingham Forest með stæl. 4-0 þar sem Rice skoraði geggjað mark.

Miðjumaður: Emiliano Buendía (Aston Villa) - Kom inn af bekknum og gerði gæfumuninn gegn Everton. Krækti í vítið sem færði Villa fyrra markið og skoraði það seinna sjálfur. Frábær frammistaða Argentínumannsins.

Miðjumaður: Phil Foden (Manchester City) - Bjó til alls konar vandræði fyrir Bournemouth og var meðal markaskorara City.

Sóknarmaður: Julian Alvarez (Manchester City) - Nýtti tækifærið sem hann fékk í byrjunarliðinu og skoraði fyrsta mark leiksins. Fimmti Argentínumaðurinn í liði vikunnar!

Sóknarmaður: Leandro Trossard (Arsenal) - Skoraði frábært mark í sigrinum gegn Leicester, markið fékk því miður ekki að standa þar sem dómarinn dæmdi, eftir VAR skoðun, að brotið hefði verið á markverðinum í aðdragandanum.

Sóknarmaður: Danny Ings (West Ham) - Skoraði tvö frábær mörk gegn Forest.