Óli Jó spariklæddur á hliðarlínunni í sumar
Valur fékk Stjörnuna í heimsókn á Origo völlinn í kvöld og gerðu þau 2-2 jafntefli í hádramatískum leik. Ólafur Jóhannesson þjálfari Vals segir þetta vera sögu þeirra í sumar að missa niður forskot og kveðst ekki enn vera búinn að finna neina lausn á því.
Lestu um leikinn: Valur 2 - 2 Stjarnan
„Mér fannst þetta kaflaskiptur leikur en þetta eru allt í lagi úrslit á endanum. Það hefur verið saga okkar í sumar, við byrjum leikinn vel og skorum mark og eins og oft áður virðumst við gefa eftir við að skora mark og þurfum að lenda undir til að vakna aftur. Ég veit ekki hvað veldur því, við erum búnir að vera skoða það í allt sumar en ekki enn fundið lausn á því"
Stjarnan skoraði mark sem hefði komið þeim í 3-1 en það var dæmt af eftir að það hefði fyrst verið dæmt mark sem Stjörnumenn voru brjálaðir yfir. Aðspurður hvort það hafi verið innspýting fyrir Valsara til að jafna leikinn benti Óla spauglega á það að auðveldar er að jafna leik úr 2-1 en 3-1 stöðu.
„Það er auðveldara að jafna hann úr 2-1 en 3-1 og hann dæmir það af en ég sé ekki hvað gerist þaðan sem ég stend."
Patrick Pedersen klúðraði víti í lok leiks sem hefði komið Val í 3-2 en Óli segir Patrick hafa verið frábæran fyrir þá í sumar og áfelldist hann ekki fyrir klúðrið.
„Patrick er búinn að vera geggjaður fyrir okkur í sumar og það hefði ekki verið neinn þjófnaður, það hefði bara verið sanngjarnt ef við hefðum unnið hann. Patrick er eins og þú veist frábær fótboltamaður og hefur staðið sig vel fyrir okkur."
Athugasemdir
