Birkir Már Sævarsson.
Varnarmaðurinn Birkir Már Sævarsson missti sæti sitt í íslenska landsliðinu á síðasta ári og sagði í viðtali að ekki væri líklegt að hann yrði valinn aftur.
Freyr Alexandersson aðstoðarlandsliðsþjálfari sagði hinsvegar í viðtali við útvarpsþáttinn Fótbolti.net að Birkir sé alls ekki út úr myndinni.
Freyr Alexandersson aðstoðarlandsliðsþjálfari sagði hinsvegar í viðtali við útvarpsþáttinn Fótbolti.net að Birkir sé alls ekki út úr myndinni.
„Það vissu ekki margir af því en Birkir var með beinmar á ökkla á síðasta ári. Þeir sem hafa fengið beinmar geta vottað fyrir að það er viðbjóður," segir Freyr.
Birkir var í landsliðsverkefni í Bandaríkjunum fyrr í þessum mánuði.
„Það var gaman að sjá Birki einkennalausan og hann leit mjög vel út. Hann sagði fyrir áramót landsliðsferillinn væri örugglega búinn. Það þarf ekkert að vera. Að hafa Birki til taks í þeim verkefnum sem eru framundan er ótrúlega mikilvægt."
„Ef það gengur vel hjá honum núna að koma sér almennilega af stað aftur þá verður hann örugglega í kringum liðið áfam."
Athugasemdir
