Fótbolti.net

Jóladagatalið: „Vonandi hefur Gummi Ben eitthvað lært af þessu“

Kominn í grænt eftir eitt tímabil í Svíþjóð - „Eftir það tók ég ákvörðun um að fara annað“

Ætlaði ekki að koma heim - „Þegar ég talaði við Óskar lá þetta fyrir“

Jóladagatalið: Kristján Óli eftir að hafa skorað ljótasta markið á ferlinum

Jóladagatalið: Auðunn Blöndal og Gaui Þórðar í geitungavandræðum

Ísak bendir á augljóst vandamál: Erum ekki nógu góðir þar

Jóladagatalið: Allir á þjóðhátið, það er skylda hjá mér!

Æfingaleikur: Aron Kristófer skoraði frá miðju gegn Leikni

Jóladagatalið: Þið vitið aldrei neitt um okkur

„Láki tengdi okkur við góðan mann erlendis"

Ævintýraþjálfari Völsungs: Þegar þú ferðast um heiminn verður þú að taka ákvarðanir hratt

Ólafur Ingi: Heilt yfir stoltur en fannst við vera pínu klaufar

Margt í gangi í hausnum á Damir fyrir leikinn - „Spurðu þá sem stjórna klúbbnum“

Höskuldur: Þau eru ekkert verðugri en við að vera þarna

Anton Ari: Sannaði fyrir mér að við áttum alveg erindi hingað

Jóladagatalið: Frasabók Margrétar Láru

Arnór Gauti: Þetta er bara sturlun

Sá fyrir sér að ljúka ferlinum með Blikum: Því miður vildi klúbburinn leita eitthvað annað

Kiddi Jóns framlengir - Var í viðræðum við annað félag

Jóladagatalið: Elínborg gaf viðtal í sturtu eftir leik

fim 27. janúar 2022 23:59

Sæbjörn Þór Þórbergsson Steinke

Óskar Örn: Ég stefndi ekkert endilega á að breyta til

Fyrst og fremst er þetta ný áskorun og spennandi hlutir í gangi

Mynd: Fótbolti.net - Hafliði Breiðfjörð

Það var skrítið að klæðast bláu í fyrsta skiptið en á sama tíma gaman og nýtt upphaf

Mynd: Fótbolti.net - Hafliði Breiðfjörð

„Það er alltaf gaman að vinna mót sem maður tekur þátt í og þú færð ekki mikið betri leik á þessum tímapunkti. Þetta er virkilega góður sigur," sagði Óskar Örn Hauksson, leikmaður Stjörnunnar (já Stjörnunnar), eftir sigur gegn Breiðabliki í kvöld. Í ár tók hann í fyrsta sinn þátt í Fótbolta.net mótinu en hann hefur á þessum árstíma spilað með KR í Reykjavíkurmótinu.

Lestu um leikinn: Stjarnan 3 - 1 Breiðablik

Óskar var spurður út í félagaskiptin í Stjörnuna. „Það kom ýmsilegt til en fyrst og fremst er þetta ný áskorun og spennandi hlutir í gangi. Ég stefndi ekkert endilega á að breyta til en þetta fór svona og hingað er ég kominn og er glaður."

Það var talað um að Stjarnan hefði boðið Óskari tveggja ára samning, en KR einungis eins árs samning.

„Nei, snerist í sjálfu sér ekkert um það. Það er að mörgu að hyggja þegar maður tekur svona ákvörðun og þetta er bara ákvörðun sem ég tók og stend við. Ég man ekki alveg hvernig þetta var en ég held að ég hafi talað við einhverja leikmenn hér áður en ég tók ákvörðun. Þetta eru auðvitað nýir þjálfarar sem leikmennirnir höfðu ekki haft áður. Ég átti aðallega samtöl við þjálfarana."

Ertu hrifinn af planinu hjá Gústa og Jökli? „Já, algjörlega. Við megum samt ekki fara fram úr okkur. Það er janúar en mér finnst við vera bara á fínu róli og góðri leið."

Í leiknum var Óskar að spila hægra megin á þriggja manna miðju þar sem einn djúpur miðjumaður var fyrir aftan.

„Já, það gæti alveg farið svo. Mér líður mjög vel í þessari stöðu, er bara að byrja spila hana og hingað til líst mér vel á það."

Hefur verið skrítið að klæðast bláu eftir að hafa verið lengi í hvítu og svörtu? „Já, það var skrítið í fyrsta skiptið en á sama tíma gaman og nýtt upphaf."

Er eitthvað í viðskilnaðinum við KR sem þú sérð eftir eða fór þetta eins vel og það gat farið? „Það var engin svaka dramatík þannig, ég skildi bara í góðu við alla og á góðu nótunum."

Ertu og verðuru áfram grjótharður KR-ingur? „Já, það er eins og það er. Ég er búinn að vera þarna nánast allan minn feril. Maður veit aldrei hvað framtíðin ber í skauti sér en nú er ég í Stjörnunni og ég er fókuseraður á það," sagði Óskar.

Viðtalið í heild má sjá í spilaranum að ofan

Sjá einnig:
Óskar Örn: Vildi víkka sjóndeildarhringinn (13. nóv '21)