KA vann í kvöld Dundalk 3-1 í forkeppni Sambandsdeildarinnar. Sveinn Margeir Hauksson leikmaður KA átti mjög góðan leik og skoraði 2 mörk. Hann kom í viðtal eftir leik.
Lestu um leikinn: KA 3 - 1 Dundalk
„Það er bara geggjað, gaman að skora og sérstaklega í mikilvægum leik. Það er bara að klára þetta úti og halda áfram."
Í seinna markinu sem Sveinn skoraði þá var boltinn að fara til Hallgríms en hann ákveður að láta boltan fara svo að Sveinn gæti tekið skotið. Sveinn var þó ekkert hræddur um að Hallgrímur myndi taka af honum færið.
„Nei ég hefði svo sem alveg treyst honum í að taka þetta skot líka, ég var aðallega stressaður út í dómarann, hann var eitthvað að þvælast fyrir þarna."
KA fer með tveggja marka forystu í útileikinn og það verður eflaust mikil hjálp.
„Það er bara geggjað, nú er bara fullur fókus á næsta leik í deildinni og klára þetta svo úti."
Viðtalið má sjá í heild sinni í spilaranum hér fyrir ofan.
