Jóhann Birnir Guðmundsson, þjálfari ÍR.
„Ég er ánægður með sigurinn," sagði Jóhann Birnir Guðmundsson, þjálfari ÍR, eftir sigur gegn Leikni í Breiðholtsslag í Lengjudeildinni í kvöld.
„Það var liðsheildin," sagði Jói aðspurður hvað hefði skapað þennan sigur. „Við vorum orðnir mjög þreyttir. Liðsheildin og sterkur varnarleikur - sem hefur einkennt okkur - skóp þennan sigur."
„Það var liðsheildin," sagði Jói aðspurður hvað hefði skapað þennan sigur. „Við vorum orðnir mjög þreyttir. Liðsheildin og sterkur varnarleikur - sem hefur einkennt okkur - skóp þennan sigur."
Lestu um leikinn: ÍR 1 - 0 Leiknir R.
„Heilt yfir var þetta nokkuð jafn leikur, en við vorum yfir og náðum að halda þetta út."
Það gengur vel hjá ÍR-ingum sem eru á toppi deildarinnar.
„Það er bara búið að ganga vel og við erum líka búnir að vinna hart fyrir hverju einasta stigi. Við erum ekki lið sem er að dansa áfram. Við erum 'hardworking' lið og vel rútínerað," sagði Jói en má segja að ÍR sé leiðinlegt og pirrandi lið fyrir andstæðinga að mæta?
„Það er akkúrat það sem við ætlum að vera. Við verðum að elska það."
Allt viðtalið má sjá í spilaranum hér að ofan. Það er gaman að vera ÍR-ingur þessa dagana.
