Viktor Gyökeres
Portúgalski miðillinn Record segir að sænski framherjinn Viktor Gyökeres hafi hafnað tækifærinu á að ganga í raðir Manchester United í sumar.
Miðillinn heldur því fram að Hasan Cetinkaya, umboðsmaður Gyökeres, hafi tjáð Man Utd að Svíinn hafi ekki áhuga á á því að endurnýja kynni sín með Ruben Amorim fyrir komandi leiktíð.
Man Utd hefur verið í sambandi við Cetinkaya upp á síðkastið í þeirri von um að landa sænsku markavélinni, en miðað við frétt Record þarf United að leita annað.
Gyökeres, sem er 27 ára gamall, skoraði 54 mörk í 52 leikjum með Sporting á síðustu leiktíð.
Amorim þjálfaði hann í byrjun leiktíðar áður en hann tók við United í nóvember.
Record segir einnig að Arsenal hafi lagt fram upphafstilboð í sænska leikmanninn sem nemur um 55 milljónum punda.
Athugasemdir
