Viðræður eru í gangi milli Lilleström og Molde en ekki hefur verið gert formlegt tilboð í Björn Bergmann.
Fullyrt var í norskum fjölmiðlum í gær að sóknarmaðurinn Björn Bergmann Sigurðarson væri að ganga í raðir Molde.
Þrátt fyrir að vilji sé hjá báðum aðilum er málið þó ekki einfalt. Ole Erik Stavrum, framkvæmdastjóri Molde, segir í viðtali við VG að mögulega sé Íslendingurinn of dýr fyrir félagið.
Björn er samningsbundinn Lilleström út árið og er verðmiðinn á honum hærri en Molde gerði ráð fyrir.
Þrátt fyrir að vilji sé hjá báðum aðilum er málið þó ekki einfalt. Ole Erik Stavrum, framkvæmdastjóri Molde, segir í viðtali við VG að mögulega sé Íslendingurinn of dýr fyrir félagið.
Björn er samningsbundinn Lilleström út árið og er verðmiðinn á honum hærri en Molde gerði ráð fyrir.
„Ég fékk tilboð sem ég gat ekki sagt nei við. Félögin eru að ná samkomulagi um skiptin," sagði Björn Bergmann í gær en hann hefur náð munnlegu samkomulagi við Molde um samning.
Viðræður eru í gangi milli Lilleström og Molde en ekki hefur verið gert formlegt tilboð í leikmanninn.
Björn Bergmann hjálpaði Lilleström að komast upp í úrvalsdeildina í fyrra en hann þekkir vel til hjá Molde enda lék hann fyrir liðið við góðan orðstír 2014-2017.
Athugasemdir
