Daði er hjá Vestra á lánssamningi frá Víkingi.
Morten Ohlsen Hansen var ekki með í síðasta leik.
Höskuldur verður í banni hjá Breiðabliki gegn ÍA.
Uppstigningardagur er á morgun og það er heil umferð í Bestu deild karla á dagskrá. Fyrsti leikur dagsins hefst klukkan 14 á Ísafirði en þar tekur Vestri á móti Víkingi í sannkölluðum toppslag. Víkingur er í efsta sæti með 17 stig en Vestri er í öðru sæti með 16 stig.
Daði Berg Jónsson hefur verið einn besti leikmaður deildarinnar það sem af er tímabili og þrívegis verið valinn í lið umferðarinnar í fyrstu átta umferðunum.
Þessi nítján ára leikmaður er hjá Vestra á láni frá Víkingi og samkvæmt heimildum Fótbolta.net verður hann í stúkunni. Vestri mun samkvæmt samkomulagi við Víking þurfa að borga 2,5 milljónir til að spila Daða í þessum leik. Vestri er ekki til í að borga þá upphæð.
Daði Berg Jónsson hefur verið einn besti leikmaður deildarinnar það sem af er tímabili og þrívegis verið valinn í lið umferðarinnar í fyrstu átta umferðunum.
Þessi nítján ára leikmaður er hjá Vestra á láni frá Víkingi og samkvæmt heimildum Fótbolta.net verður hann í stúkunni. Vestri mun samkvæmt samkomulagi við Víking þurfa að borga 2,5 milljónir til að spila Daða í þessum leik. Vestri er ekki til í að borga þá upphæð.
Davíð Smári Lamude, þjálfari Vestra, var spurður að því eftir 3-1 sigurinn gegn Stjörnunni í síðustu umferð, þar sem Daði skoraði tvö mörk, hvort hann væri smeykur um að Víkingar myndu kalla Daða til baka úr láni?
„Við spáum ekkert í því. Það er bara næsti leikur og við erum að fara að spila á móti Víkingi. Það er tilhlökkun," svaraði Davíð.
Varnarmaðurinn Morten Ohlsen Hansen var ekki með Vestra í síðasta leik en ætti að snúa aftur í leikmannahópinn.
„Hann er á fæðingardeildinni með konunni sinni, á von á sínu fyrsta barni. Við óskum honum alls hins besta. Við fáum hérna fullmótaðan föður til í að taka enn meiri ábyrgð þegar hann kemur til baka," sagði Davíð eftir síðasta leik.
Þessir verða í banni í níundu umferð
Eins og áður segir er heil umferð á morgun og á fundi aganefndar í gær var staðfest hverjir taka út bann í umferðinni.
Höskuldur Gunnlaugsson, fyrirliði Breiðabliks, verður í banni gegn ÍA. Hann fékk að líta sitt fjórða gula spjald í sumar í lok leiksins gegn FH þegar hann lét Ahmad Faqa, leikmann FH, heyra það og greip í treyju hans eftir að Faqa hafði fagnað í andlit Kristins Steindórssonar, liðsfélaga Höskulds.
Jón Þór Hauksson, þjálfari ÍA, verður í banni gegn Breiðabliki þar sem hann fékk að líta tvö gul spjöld í leiknum gegn Víkingi síðasta laugardag. Hann fékk rautt eftir að hafa sparkað í vatnsbrúsa í óánægju sinni með dómgæsluna.
Arnór Ingi Kristinsson, leikmaður ÍBV, hefur fengið fjögur gul spjöld í sumar og verður í banni gegn FH á fimmtudaginn.
Finnur Tómas Pálmason, leikmaður KR, verður í leikbanni gegn Stjörnunni eftir að hafa fengið tvö gul spjöld og þar með rautt gegn Fram síðasta föstudag.
Kjartan Már Kjartansson, leikmaður Stjörnunnar, verður í banni gegn KR þar sem hann fékk sitt fjórða gula spjald í sumar í leiknum gegn Vestra á laugardag.
Fimmtudagur - Níunda umferð Bestu deildarinnar
14:00 Vestri-Víkingur R. (Kerecisvöllurinn)
16:15 Afturelding-Valur (Malbikstöðin að Varmá)
16:15 ÍBV-FH (Þórsvöllur Vey)
16:15 Fram-KA (Lambhagavöllurinn)
16:15 Breiðablik-ÍA (Kópavogsvöllur)
19:15 Stjarnan-KR (Samsungvöllurinn)
Fréttin hefur verið uppfærð
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
Athugasemdir
