Nú stendur yfir leikur Vestra og ÍBV í Bestu deildinni en í viðtali við Sýn fyrir leikinn staðfesti Davíð Smári Lamude, þjálfari Vestra, að miðjumaðurinn Fatai Gbadamosi væri með slitin krossbönd.
„Ég get staðfest að það er langt í hann, hann er með slitin krossbönd," sagði Davíð Smári en Fatai var borinn af velli í tapleik gegn ÍA í síðustu umferð.
Þetta er mikið högg fyrir Vestra enda er Fatai algjör lykilmaður hjá liðinu.
Eftir að Vestri varð bikarmeistari hefur liðinu vegnað mjög illa í Bestu deildinni og sogast niður í harða fallbaráttu. Þegar þessi frétt er skrifuð er liðið að tapa 0-2 fyrir ÍBV en það er að koma hálfleikur.
Vestri er þremur stigum fyrir ofan fallsæti en 24. umferðin er í gangi.
Besta-deild karla - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KA | 23 | 9 | 5 | 9 | 33 - 41 | -8 | 32 |
| 2. ÍBV | 23 | 8 | 6 | 9 | 25 - 29 | -4 | 30 |
| 3. ÍA | 24 | 9 | 1 | 14 | 33 - 45 | -12 | 28 |
| 4. Vestri | 23 | 8 | 3 | 12 | 23 - 32 | -9 | 27 |
| 5. KR | 24 | 6 | 6 | 12 | 46 - 58 | -12 | 24 |
| 6. Afturelding | 23 | 5 | 7 | 11 | 30 - 40 | -10 | 22 |
Athugasemdir
