Rashford lagði upp
Barcelona 2 - 1 Real Sociedad
0-1 Alvaro Odriozola ('31 )
1-1 Jules Kounde ('43 )
2-1 Robert Lewandowski ('59 )
0-1 Alvaro Odriozola ('31 )
1-1 Jules Kounde ('43 )
2-1 Robert Lewandowski ('59 )
Spánarmeistarar Barcelona tóku á móti Real Sociedad í næstsíðasta leik dagsins í spænska boltanum. Orri Steinn Óskarsson var ekki með Sociedad vegna meiðsla.
Börsungar voru sterkari aðilinn en lentu undir eftir um hálftíma af leiknum þegar bakvörðurinn Alvaro Odriozola skoraði eftir undirbúning frá Ander Barrenetxea. Heimamenn svöruðu fyrir sig með skallamarki frá Jules Koundé eftir hornspyrnu Marcus Rashford. Staðan var því jöfn, 1-1, í leikhlé.
Í síðari hálfleik kom Lamine Yamal, sem hefur verið að glíma við meiðsli, inn af bekknum og var fljótur að láta til sín taka. Hann fór auðveldlega framhjá bakverði Sociedad og gaf frábæra fyrirgjöf með hægri sem rataði beint á kollinn á Robert Lewandowski til að taka forystuna.
Barca var áfram sterkara liðið og fékk færi til að auka forystuna en tókst ekki að skora. Lokatölur urðu 2-1.
Barcelona tekur toppsæti deildarinnar með þessum sigri, liðið er einu stigi fyrir ofan Real Madrid á upphafsmetrum titilbaráttunnar.
Hörmuleg byrjun Sociedad heldur áfram og situr liðið eftir við fallsvæðið með 5 stig.
Athugasemdir
