„Þetta er versta frammistaða sem ég hef séð frá dómara á ævi minni," sagði Gregg Ryder, þjálfari Þróttar, eftir 1-0 tap liðsins gegn ÍBV í dag.
Gregg var ósáttur við Þórodd Hjaltalín Jr. dómara leiksins sem og aðstoðarmenn hans.
Gregg var ósáttur við Þórodd Hjaltalín Jr. dómara leiksins sem og aðstoðarmenn hans.
Lestu um leikinn: Þróttur R. 0 - 1 ÍBV
„Frammistaða allra dómaranna var sjokkerandi og kostaði okkur leikinn. Knattspyrnusamband Íslands þarf að skoða þetta því að þetta var hrikalegt."
Hallur Hallsson, fyrirliði Þróttara, fékk rauða spjaldið undir lok fyrri hálfleks þegar hann kýldi Mikkel Maigaard Jakobsen í punginn.
„Ég var að ræða við fjórða dómarann þegar þetta gerðist. Hann var að horfa á mig þegar þetta gerðist en hann dæmdi þetta. Guð einn veit hvernig hann sér eitthvað sem hann sá ekki. Dómarinn sá þetta ekki svo þeir brugðust við öskrum á bekknum og ákváðu þetta út frá því. Þetta var dýr og hrikaleg ákvörðun sem breytti leiknum."
„Það var enginn að horfa á þetta. Hvernig geturðu dæmt eitthvað sem þú sérð ekki? Ef þeir sjá þetta í góðu en þeir sáu þetta ekki."
Þróttarar gerðu einnig tilkall til að fá vítaspyrnu í leiknum, meðal annars þegar Karl Brynjar Björnsson féll í teignum eftir baráttu við Hafstein Briem.
„Það voru þrjú atvik þar sem þeir gátu dæmt víti," sagði Gregg en bætti við að Þróttarar hefðu getað fengið annað rautt spjald í leiknum.
„Í hreinskilni sagt átti Raggi (Ragnar Pétursson) að fá sitt annað gula spjald þegar hann var seinn í tæklingu. Dómarinn veit að hann var búinn að gera stór mistök og hann reyndi að bæta upp fyrir það."
Hér að ofan má sjá viðtalið í heild sinni.
Sjá einnig:
Myndband: Hallur fékk rautt fyrir að slá Eyjamann í punginn
Gregg: Versta frammistaða sem ég hef séð hjá dómara
Hallur Hallsson: Þetta var ekki högg í pung
Mikkel Maigaard: Hann sló mig í djásnið
Athugasemdir
