„Ég fór með hendina í áttina að honum en þetta var ekki högg í pung, ég neita því algjörlega," sagði Hallur Hallsson, fyrirliði Þróttar, við Fótbolta.net eftir 1-0 tap gegn ÍBV í kvöld.
Lestu um leikinn: Þróttur R. 0 - 1 ÍBV
Hallur fékk rauða spjaldið undir lok fyrri hálfleiks þegar hann sló til Mikkel Maigaard Jakobsen. Hvernig horfði atvikið við Halli?
„Ég er að spila boltanum fram og hann (;ikkel) tæklar mig út fyrir völlinn. Þegar við liggjum þarna þá kastar hann í mig vatnsbrúsa. Við löbbum inn á völinn og erum að kýta aðeins. Ég slæ kannski aðeins í magann á honum eða aðeins neðar en þetta var svo saklaust að það hálfa væri nóg. Mér fannst þetta vera glórulaust rautt spjald."
Hallur segir að Þróttarar séu allt annað en sáttir með uppskeruna úr leiknum í dag.
„Það er grautfúlt að fá ekkert út úr þessu. Við vorum í góðum gír ellefu á móti ellefu og vorum líka að skapa færi manni færri."
Hér að ofan má sjá viðtalið í heild sinni.
Sjá einnig:
Myndband: Hallur fékk rautt fyrir að slá Eyjamann í punginn
Gregg: Versta frammistaða sem ég hef séð hjá dómara
Hallur Hallsson: Þetta var ekki högg í pung
Mikkel Maigaard: Hann sló mig í djásnið
Athugasemdir
