„Þetta var ekki eins góð frammistaða og við hefðum viljað en við fengum stigin þrjú og það er mikilvægast," sagði Mikkel Maigaard Jakobsen eftir að hann skoraði eina mark ÍBV í sigri á Þrótti í Pepsi-deildinni í dag.

Mikkel skoraði eftir stutta hornspyrnu en fyrirgjöf hans sigldi þá framhjá öllum og í netið.

„Þetta átti að vera fyrirgjöf en við ræddum um það fyrir leikinn að ef við myndum setja krossana á markið þá gætu þeir farið inn," sagði Mikkel eftir leik.

Mikkel lenti í ryskingum við Hall Hallsson fyrirliða Þróttar undir lok fyrri hálfleiks. Hallur sló Mikkel í punginn og fékk rauða spjaldiðl fyrir vikið.

„Mér fannst þetta var klárt rautt spjald. Við vorum að kljást aðeins og hann sló mig í djásnið," sagði Mikkel.