Sindri Þór Ingimarsson.
Það voru nokkuð óvænt félagaskipti undir lok síðasta árs þegar Stjarnan krækti í Sinda Þór Ingimarsson.
Sindri er fæddur 1998 og hefur undanfarin ár leikið með Augnabliki í 3. deildinni á láni frá Breiðabliki.
Sindri, sem er varnartengiliður sem getur einnig leikið sem miðvörður. Sindri hefur alla tíð leikið í 3. deild í meistaraflokki, en fær núna sitt fyrsta tækifæri í efstu deild.
Ágúst Gylfason, þjálfari Stjörnunnar, var í viðtali eftir sigur gegn Breiðabliki síðasta fimmtudagskvöld. Eftir leikinn var hann spurður út í Sindra og hvað hann kæmi með fyrir liðið.
„Þú sást leikinn," sagði Gústi. „Hann stóð sig frábærlega vel og var yfirvegaður á boltanum. Jökull (Elísabetarson) þekkir hann og ég þekki hann. Við vildum fá hann í félagið, í Stjörnuna. Hann passar mjög vel inn í þetta."
„Þetta eru allt góðir leikmenn sem passa vel inn í okkar hóp. Ég er stoltur af þeim."
„Hann (Sindri) getur örugglega spilað allar stöður á vellinum. Hann leysir þessa stöðu (miðvarðarstöðuna) mjög vel og við erum sáttir við það," sagði Ágúst.
Það verður fróðlegt að fylgjast með þessum leikmanni í efstu deild í sumar.
Athugasemdir
