Fotbolti.net
30.03.23 - 20:44
Ívan Guðjón Baldursson

Lopetegui: Forréttindi að spila svona leiki

Lopetegui: Forréttindi að spila svona leiki
Canon

Mynd: EPA

Wolves mætir Nottingham Forest í fallbaráttuslag á laugardaginn þar sem aðeins sjö stig skilja níu neðstu lið ensku úrvalsdeildarinnar að.

Úlfarnir hafa tapað síðustu tveimur deildarleikjum í röð en eru meðal efstu liða í fallbaráttupakkanum. Sigur um helgina getur komið liðinu heilum sex stigum frá fallsæti.

Julen Lopetegui, stjóri Wolves, var spurður út í pressuna sem fylgir því að spila marga fallbaráttuslagi.

„Það er unun að spila svona leiki. Það eru forréttindi að fá að spila svona leiki. Leikmenn verða að vera klárir í slaginn, þeir þurfa að njóta svona stunda og læra að nýta sér þær. Það er jákvætt að finna fyrir pressu," segir Lopetegui.

„Við verðum að berjast fyrir lífi okkar og sýna þroska. Við verðum að sýna að við njótum þess að spila mikilvæga leiki. Þannig hugarfar getur verið mikilvægara heldur en taktíkin sjálf. Við verðum að setja alla einbeitinguna á okkur sjálfa og sýna andstæðingunum okkar virðingu.

„Það mikilvægasta er að sýna sterkt hugarfar. Þetta snýst allt um hvernig leikmenn bregðast við því að tapa. Við verðum að vera tilbúnir til að berjast því þetta verður mikill baráttuleikur allt til lokaflautsins."

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.