Tveir titlar komnir af þremur hjá Börsungum
Barcelona 3 - 1 Athletic Bilbao
1-0 Lionel Messi ('20)
2-0 Neymar ('37)
3-0 Lionel Messi ('74)
3-1 Inaki Williams ('80)
1-0 Lionel Messi ('20)
2-0 Neymar ('37)
3-0 Lionel Messi ('74)
3-1 Inaki Williams ('80)
Leiðin að þrennunni heldur áfram hjá Barcelona en liðið vann 3-1 sigur gegn Athletic Bilbao í úrslitum Konungsbikarsins á Spáni. Þetta er í 27. sinn sem Barcelona vinnur þennan titil.
Börsungar unnu Spánarmeistaratitilinn fyrir nokkrum vikum og mæta Juventus í úrslitum Meistaradeildarinnar næsta laugardag.
Lionel Messi var maður leiksins en hann skoraði tvívegis. Það fyrra var stórglæsilegt en hann stútaði þá andstæðingum sínum í aðdragandanum.
Ljóst er að það lið sem vinnur úrslitaleik Meistaradeildarinnar eftir viku mun taka þrennuna en Juventus vann bæði Ítalíumeistaratitilinn og ítalska bikarinn.
Athletic Bilbao: Herrerin; Bustinza, Etxeita, Laporte, Balenziaga; San Jose, Benat (Ibai 75); Iraola (Susaeta 58), Rico (Iturraspe 74), Williams; Aduriz
Barcelona: Ter Stegen; Alves, Pique, Mascherano, Alba (Mathieu 77); Busquets, Rakitic, Iniesta (Xavi 56); Messi, Suarez (Pedro 78), Neymar
Athugasemdir