Tryggvi Hrafn Haraldsson var hetja Skagamana í kvöld
„Sáttur með úrslitin, ekki spilamennskuna," sagði Tryggvi Hrafn Haraldsson, sóknarmaður ÍA, eftir 2-1 sigur gegn Gróttu í 16-liða úrslitum Borgunarbikarsins.
Lestu um leikinn: ÍA 2 - 1 Grótta
Ingólfur Sigurðsson hafði komið gestunum yfir uppi á Skaga áður en Tryggvi jafnaði metin á 83. mínútu. Hann skoraði svo sigurmarkið í framlengingu og sendi sína menn í 8-liða úrslitin en hann á enga óskamótherja þar.
„Enginn sérstakur, bara gaman að vera kominn svona langt, langt síðan íA komst svona langt. Við förum bara eins langt og við getum."
„Þeir voru gríðarlega skipulagðir og leikplanið þeirra heppnaðist vel, þeir fengu besta færi leiksins í fyrri hálfleik og við fórum vel yfir stöðuna í hálfleik."
Tryggvi var að vonum sáttur með mörkin sín tvö en hann er kominn með fimm mörk í öllum keppnum í sumar.
„Maður er alltaf sáttur sem framherji að skora."
Athugasemdir
