Pétur Rögnvalds: Óhress með sjálfan mig
Pétur á Kópavogsvelli í kvöld.
Mynd: Fótbolti.net - Hafliði Breiðfjörð
Pétur á Kópavogsvelli í kvöld.
Mynd: Fótbolti.net - Hafliði Breiðfjörð
Breiðablik gerði sér lítið fyrir og sigraði nágranna sína í HK 5-1 á Kópavogsvelli í dag, þar sem voru m.a. skoruð þrjú mörk á þremur mínútum. Fótbolti.net ræddi við Pétur Rögnvaldsson, þjálfara HK, að leik loknum.
„Ég var glaður með fullt af hlutum og glaður með það sem stelpurnar lögðu í leikinn. Ég var kannski aðallega óhress með sjálfan mig og hvernig við byrjum leikinn. Einhver fíflalæti sem við förum í hérna í byrjun leiks, sem eftir á að hyggja hefði verið betra að sleppa," sagði Pétur.
„Við breyttum fullt af hlutum í okkar leik. Í dag förum við í 5-4-1 kerfi og það var bara ekki framkvæmt og það er bara á mér. Það eru mistök sem ég þarf að læra af."
Þetta var nágrannaslagur af bestu gerð á Kópavogsvelli í kvöld og í fyrsta skipti sem liðin mætast í kvennaboltanum.
„Ég held það væri nú bara öðruvísi fyrir lið, eins og HK í Lengjudeildinni. Saga HK í kvennaboltanum er svaka stutt. Að vera komin í 8-liða úrslit, þá held ég að það hefði alltaf verið sérstakt Hvort sem það væri Breiðablik eða Valur eða hvaðeina."
