„Frammistaðan hefur nú alveg verið betri. Þetta var svona þokkaleg og ég er bara aðallega ánægð með að vinna þetta og sátt við að skora fimm mörk," sagði Agla María Albertsdóttir, fyrirliði Breiðabliks, eftir 5-1 sigur á nágrönnum sínum í HK á Kópavogsvelli.
„Við vorum frekar 'sloppy' og mér fannst við ekki líkar sjálfum okkur og hefðum geta gert betur en mér fannst þetta strax skárra í seinni hálfleik."
Lestu um leikinn: Breiðablik 5 - 1 HK
Leikurinn í kvöld var sögulegur en þetta var nágrannaslagur af bestu gerð á Kópavogsvelli í kvöld og í fyrsta skipti sem liðin mætast í kvennaboltanum.
„Ég fann ekkert eitthvað sérstaklega fyrir þessu inn á vellinum en það var sérstaklega góð mæting. Virkilega gaman að sjá svona marga í stúkunni og ekki oft sem maður sér það. Ég var mjög ánægð með það."
HK situr á toppi Lengudeildarinnar en Breiðablik í öðru sæti Bestu deildar kvenna. Það var ljóst að töluverður gæðamunur var á liðunum, eins og við var að búast. Stelpurnar í HK börðust engu að síður og lögðu hart að sér.
„Mér fannst þær bara vera hörkuflottar. En ég held að efstu deildin í Lengjudeildinni séu bara á pari við liðin í Bestu deildinni. Við sjáum t.d. að ÍBV vinnur TIndastól sem segir sitt."
