Roma mætir Sevilla í úrslitum Evrópudeildarinnar á morgun. Jose Mourinho stjóri Roma fær tækifæri til að vinna annan Evróputitilinn í röð með ítalska félaginu.
Liðið vann Sambandsdeildina á síðustu leiktíð eftir sigur á Feyenoord í úrslitaleiknum.
Georginio Wijnaldum miðjumaður liðsins er spenntur fyrir leiknum en hann þekkir það að fara í úrslit í Evrópukeppni. Hann fór tvisvar í úrslit í Meistaradeildinni með Liverpool og vann keppnina einu sinni.
„Ég vona að hann endi vel, þetta er öðruvísi tilfinning því þetta er úrslitaleikur. Ef þú ert heppinn þá munt þú spila marga úrslitaleiki," sagði Wijnaldum.
„Ég er ánægður að komast út á völl, hvort sem það er í úrslitaleik eða ekki."
Athugasemdir
