Jurrien Timber.
Jurrien Timber, varnarmaður Arsenal, hefur bæst í hóp þeirra sem hafa kvartað yfir miklu leikjaálagi hjá leikmönnum stærstu félaga Evrópu.
Timber segir að núverandi leikjaálag sé beinlínis hættulegt og mikið sé talað um það í búningsklefanum hjá Arsenal.
„Þetta er stórt umræðuefni í búningsklefum þessa dagana. Líka í okkar klefa," sagði Timber.
„Ég spilaði ekki mikið á síðasta tímabili út af meiðslum þannig að ég kvarta ekki mikið. En ég skil það sem verið er að segja. Þetta er hættulegt."
Rodri, miðjumaður Manchester City, sagði nýverið að leikmenn væru að ræða um að fara í verkfall út af leikjaálagi. Hann meiddist svo illa stuttu eftir það og spilar líklega ekki meira á tímabilinu.
Athugasemdir
