mið 30. nóvember 2022 16:06
Guðmundur Aðalsteinn Ásgeirsson
Hávær orðrómur um að Martínez detti út úr liðinu
Lisandro Martínez.
Lisandro Martínez.
Mynd: Getty Images
Núna er í gangi hávær orðrómur um það að Lionel Scaloni, landsliðsþjálfari Argentínu, muni aftur rótera í varnarlínu sinni fyrir leikinn gegn Póllandi á HM í kvöld.

Lisandro Martínez, miðvörður Manchester United, kom inn gegn Mexíkó eftir að liðið hafði tapað fyrir Sádí-Arabíu í fyrsta leik. Martinez átti mjög góðan leik og hjálpaði liði sínu að halda hreinu.

Samkvæmt argentínska fjölmiðlamanninum Gastón Edul þá mun Martinez detta út úr liðinu fyrir leikinn í kvöld.

Cristian Romero, sem átti í basli í fyrsta leiknum, mun koma inn í liðið í staðinn.

Þetta er áhugaverð breyting - ef satt er - í ljósi þess hve vel varnarlínan stóð sig í síðasta leik.

Það er mikið undir í kvöld. Argentína þarf helst sigur til að komast áfram en jafntefli dugar líka.
Athugasemdir
banner
banner
banner