Fótbolti.net kynnir liðin sem leika í 1. deild í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin því stig frá 1-11 eftir því en ekki var hægt að spá fyrir sínu eigin liði.
Spáin:
1. ?
2. ?
3. ?
4. ?
5. ?
6. ?
7. ?
8. Þróttur 110 stig
9. BÍ/Bolungarvík 78 stig
10. ÍR 58 stig
11. Höttur 43 stig
12. Tindastóll 38 stig
8. Þróttur
Heimasíða: trottur.is
Lokastaða í fyrra: 7. sæti í 1. deild
Þróttarar voru funheitir fyrri hluta síðasta sumars en gáfu eftir seinni hlutann og enduðu í 7. sæti. Þeir hafa misst sinn helsta markaskorara í fyrra, Sveinbjörn Jónasson, sem var markakóngur deildarinnar. Spáð er að þeir endi í áttunda sæti í ár.
Styrkleikar: Þróttarar hafa hingað til alltaf verið vel spilandi. Liðið spilar fínan fótbolta og láta boltann ganga vel, eru hreyfanlegir án bolta. Ég myndi segja að það væri helsti styrkleiki liðsins. Ef miðjan verður í góðu standi gæti hún talist til styrkleika.
Veikleikar: Þrátt fyrir að hafa misst Sveinbjörn þá hefur liðinu gengið ágætlega að skora í Lengjubikarnum. Það gæti þó orðið vandamál þegar út í alvöruna er komið að hafa ekki afgerandi markaskorara. Liðið hefur verið að fá á sig mörg mörk og hafsentaparið er hægt sem getur komið liðinu í koll ef það fer framarlega. Svo er spurning hvort nokkrir af þeirra helstu mönnum séu komnir á aldur.
Lykilmenn: Hallur Hallsson, Halldór Hilmisson og Arnþór Ari Atlason.
Gaman að fylgjast með: Arnþór Ari. Ótrúlega góður miðjumaður, ég hreifst mikið af honum í fyrra. Hann er hörkuduglegur, góður í fótbolta og lætur verkin tala inni á vellinum.
Þjálfarinn: Páll Einarsson er á sínu öðru ári með Þróttarana. Það gekk betur hjá liðinu í fyrra en spá manna gaf til kynna. Þar skiptu mörkin sem Sveinbjörn skoraði miklu máli. Liðið gæti lent í vandræðum með markaskorun í sumar. Páll lætur liðið spila fótbolta.
Líklegt byrjunarlið í upphafi móts:
Komnir:
Andri Gíslason á láni frá FH
Karl Brynjar Björnsson frá ÍR
Ögmundur Ólafsson frá HK
Farnir:
Dusan Ivkovic í Gróttu
Hjörvar Hermannsson í Augnablik
Jens Elvar Sævarsson í Reyni Sandgerði
Sveinbjörn Jónasson í Fram
Fyrstu leikir Þróttar 2012:
12. maí: Þróttur - Höttur
19. maí: Þór A. - Þróttur
25. maí: Þróttur - Leiknir
Athugasemdir
