Eysteinn Húni Hauksson, þjálfari Hattar var ánægður með vinnuframlagið hjá sínum mönnum í dag er þeir náðu í baráttu-stig gegn Haukum á Ásvöllum, lokatölur 0-0 í fjörugum leik. Hattarmenn eru þó enn í botnsætinu en Eysteinn segist ekki vera svartsýnn.
,,Ég er ánægður með framlag strákana en þó að þeir (Haukar) hafi fengið fleiri færi í leiknum , þá fengum við ekkert minni hættulegri færi en miðað við það sem strákarnir lögðu í leikinn þá áttu þeir að mínu mati skilið sigur en á móti liði sem hefur meðal annars margreynda menn og Íslandsmeistara og fleira þá get ég ekki verið annað en sáttur með þetta stig," sagði Eysteinn Húni meðal annars í viðtali við Fótbolti.net eftir leik.
Auk þess minnist hann á markvarðarmálin en Anton Helgi Loftsson ungur markvörður þeirra, hélt hreinu annan leikinn í röð og stóð sig með prýði en þó eru Hattarmenn að reyna finna sér reynslu meiri markmann til að standa á milli stanganna.
Viðtalið í heild sinni er hægt að sjá í sjónvarpinu hér að ofan.
