Varnarmaðurinn Michee Efete hefur leikið sinn síðasta leik fyrir Breiðablik.
Hans síðasti leikur fyrir Kópavogsliðið var 2-1 tap gegn FH í kvöld.
Hans síðasti leikur fyrir Kópavogsliðið var 2-1 tap gegn FH í kvöld.
Efete kom til Blika í byrjun maí á láni frá Norwich, en hann hefur verið flottur í hjarta varnarinnar hjá Breiðabliki.
Efete er á leið aftur til Norwich, en hann hefur verið í kringum aðalliðið þar. Norwich er í Championship-deildinni á Englandi, en þar eru æfingar að hefjast aftur eftir sumarfrí.
Efete birti færslu á Twitter nú rétt í þessu þar sem hann þakkaði fyrir sig.
„Takk fyrir Breiðablik, það hefur verið heiður að spila fyrir ykkar magnaða félag, ég óska ykkur alls hins besta í framtíðinni," skrifaði Efete á Twitter í kvöld.
Talið er að Elfar Freyr Helgason muni snúa aftur í lið Breiðabliks þegar félagsskiptaglugginn opnar 15. júlí. Hann kláraði tímabilið í Danmörku með Horsens, en danska félagið nýtti sér ekki forkaupsrétt á honum.
Thank you breidablik it's been an honour to play for your wonderful club, I wish you all the best in the future @blikar_is pic.twitter.com/S6piDyQH3N
— Michee Efete (@MicheeEfete) July 3, 2017
Athugasemdir