Byrjunarlið Leicester og Chelsea: Kepa og Willian bekkjaðir

Brendan Rodgers gerir aðeins eina breytingu á liði heimamanna þar sem Hamza Choudhury kemur inn fyrir Nampalys Mendy í stöðu varnartengiliðs. Mendy meiddist í 4-1 sigri gegn West Ham í síðustu umferð og er Wilfred Ndidi einnig meiddur.

Frank Lampard gerir fjórar breytingar á liðinu sem gerði 2-2 jafntefli við Arsenal í síðustu umferð.

Willy Caballero fær tækifærið á milli stanganna enda hefur Kepa Arrizabalaga ekki verið sannfærandi. Reece James kemur inn í vörnina fyrir Emerson Palmieri og þá fær Mason Mount byrjunarliðssæti og sendir Mateo Kovacic á bekkinn.

Pedro byrjar í sóknarlínunni ásamt Tammy Abraham og Callum Hudson-Odoi, í stað Willian sem byrjar á bekknum.

Leicester: Schmeichel, R. Pereira, Evans, Soyuncu, Chilwell, Choudhury, Tielemans, Maddison, Perez, Barnes, Vardy
Varamenn: Ward, Justin, Fuchs, Praet, Gray, Albrighton, Iheanacho.

Chelsea: Caballero, James, Christensen, Rüdiger, Azpilicueta, Kante, Jorginho, Mount, Hudson-Odoi, Pedro, Abraham
Varamenn: Kepa, Tomori, Alonso, Kovacic, Barkley, Willian, Batshuayi