Chelsea keypti Enzo Fernandez frá Benfica á 107 milljónir punda og alls eyddu ensku úrvalsdeildarfélögin 815 milljónum punda í janúarglugganum. Yfirburðir enskra úrvalsdeildarfélaga þegar kemur að fjármagni sést vel í því að 79% af eyðslu félaga í fimms stærstu deildum Evrópu voru frá Englandi.
Hér má sjá 20 dýrustu leikmennina sem keyptir voru í ensku úrvalsdeildina í janúarglugganum.
Enzo Fernandez, til Chelsea frá Benfica: 106,8 m punda - Eftir maraþonviðræður þá tryggði Chelsea sér argentínska heimsmeistarann.
Mykhailo Mudryk, til Chelsea frá Shaktar Donetsk: 62 m punda (gæti hækkað) - Úkraínumaðurinn hafði gefið Arsenal rækilega undir fótinn en Chelsea opnaði veskið og fékk hann.
Anthony Gordon, til Newcastle frá Everton: 40 m punda - Var orðaður við Chelsea síðasta sumar en nú á hann að hjálpa Newcastle að ná í Meistaradeildarsæti.
Cody Gakpo, til Liverpool frá PSV Eindhoven: 35 m punda - Hollenski sóknarmaðurinn heillaði áhorfendur á HM í Katar.
Benoit Badiashile, til Chelsea frá Mónakó: 33 m punda - Franski varnarmaðurinn gerði sjö ára samning á Stamford Bridge.
Georginio Rutter, til Leeds frá Hoffenheim: 32 m punda - Leeds sló félagsmet til að kaupa franska sóknarmanninn unga, sem skoraði ellefu mörk í þýsku Bundesligunni.
Noni Madueke, til Chelsea frá PSV: 31 m punda - Spennandi vængmaður sem var í yngri liðum Palace og Spurs.
Malo Gusto, til Chelsea frá Lyon: 26 m punda - Hæfileikaríkur nítján ára hægri bakvörður.
Ilya Zabarnyi, til Bournemouth frá Dynamo Kiev: 24 m punda - Ungur úkraínskur varnarmaður sem var eftirsóttur.
Kamaldeen Sulemana, til Southampton frá Rennes: 22 m punda - Tvítugur vængmaður sem lék tvo leiki með Gana á HM.
Leandro Trossard, til Arsenal frá Brighton: 21 m punda - Belgíski landsliðsmaðurinn kemur með aukna möguleika í sóknarleik toppliðs Arsenal.
Dango Ouattara, til Bournemouth frá Lorient: 20 m punda - Ungur vængmaður sem hefur skorað og skapað í frönsku deildinni.
Max Wöber, til Leeds frá Red Bull Salzburg: 18 m punda - Hávaxinn austurrískur varnarmaður.
Jakub Kiwior, til Arsenal frá Spezia: 18 m punda - 22 ára pólskur landsliðsmiðvörður sem eykur breiddina hjá Arsenal varnarlega.
Victor Kristiansen, til Leicester frá FC Kaupmannahöfn: 17 m punda - Spennandi ungur vinstri bakvörður sem á yfir 70 leiki fyrir FCK.
Danilo, til Nottingham Forest frá Palmeiras: 16 m punda - 21 árs miðjumaður sem hefur lyft bikurum í Brasilíu.
Paul Onuachu, til Southampton frá Genk: 16 m punda - Stór og stæðilegur sóknarmaður sem hefur skorað 16 mörk í 19 leikjum fyrir belgíska liðið á þessu tímabili.
Harry Souttar, til Leicester frá Stoke: 15 m punda - Tröllvaxinn miðvörður sem spilaði virkilega vel með Ástralíu á HM í Katar.
Joao Gomes, til Wolves frá Flamengo: 15 m punda - Úlfarnir unnu samkeppni við Lyon um þennan 21 árs varnartengilið.
Jhon Duran, til Aston Villa frá Chicago Fire: 14,8 m punda (gæti hækkað) - Nítján ára kólumbískur sóknarleikmaður.
Athugasemdir
