Aftonbladet í Svíþjóð segir að Milos Milojevic, fyrrum þjálfari Víkings og Breiðabliks, sé að taka við Al Wasl í Sameinuðu arabísku furstadæmunum.
Sagt er að hann muni fá um 388 milljónir íslenskra króna í árslaun hjá félaginu.
Sagt er að hann muni fá um 388 milljónir íslenskra króna í árslaun hjá félaginu.
Milos náði frábærum árangri með Rauðu stjörnuna á nýliðnu tímabili. Lið hans vann serbnesku deildina með yfirburðum og vann einnig bikarinn. Þrátt fyrir það fékk hann ekki áframhaldandi samning og félagið ákvað ráða annan í það að stýra liðinu í Meistaradeild Evrópu á næsta tímabili.
Milos er bæði með íslenskt og serbneskt ríkisfang en í Svíþjóð hefur hann stýrt Hammarby og Malmö.
Al Wasl endaði í fimmta sæti í deildinni í Furstadæmunum á síðasta tímabili.
Athugasemdir