Palmer er bestur í deildinni að mati Carragher.
Jamie Carragher telur að Cole Palmer sé besti leikmaður ensku úrvalsdeildarinnar í dag. Palmer skoraði fjögur mörk í 4-2 sigri Chelsea gegn Brighton um síðustu helgi.
Palmer heldur uppteknum hætti frá síðasta tímabili en þessi 22 ára leikmaður hefur verið nær óstöðvandi síðan Chelsea fékk hann frá Manchester City.
Palmer heldur uppteknum hætti frá síðasta tímabili en þessi 22 ára leikmaður hefur verið nær óstöðvandi síðan Chelsea fékk hann frá Manchester City.
„Hann er besti leikmaður deildarinnar og var bestur á síðasta tímabili. Chelsea átti ekki sérstakt tímabil og ég endaði á að velja Phil Foden sem leikmann ársins en innst inni fannst mér Palmer vera bestur í deildinni," segir Carragher
„Síðast þegar ég horfði á leikmann sem mér fannst bestur í deildinni en var ekki í einu af bestu liðunum var það Gareth Bale hjá Tottenham. Mér fannst hann bestur í deildinni þó liðið hans væri bara að berjast um Meistaradeildarsæti."
Athugasemdir
