Cole Palmer gerði sér lítið fyrir og skoraði fjögur mörk í fyrri hálfleik í 4-2 sigri Chelsea á Brighton í ensku úrvalsdeildinni í gær, en hann varð fyrsti leikmaðurinn í sögu deildarinnar til að ná því afreki.
Enginn leikmaður í deildinni hefur komið að fleiri mörkum en Palmer síðan hann gekk í raðir Chelsea á síðasta ári.
Englendingurinn er að njóta sín í Lundúnum og hélt áfram á sömu braut í gær.
Eftir leikinn fékk hann auðvitað að eiga boltann, en liðsfélagar hans árituðu hann allir.
Einn þeirra, Romeo Lavia, skrifaði fyndin skilaboð á boltann sem belgíski landsliðsmaðurinn birti síðan á samfélagsmiðlum.
„Þrátt fyrir þetta ertu samt bara miðlungs leikmaður,“ skrifaði Lavia.
Andinn í Chelsea-liðinu er greinilega góður. Liðið er að byrja frábærlega undir stjórn Enzo Maresca og situr liðið nú í 4. sæti með 13 stig, tveimur stigum frá toppliði Liverpool.
?????? Cole Palmer’s match ball… with special comment by Roméo Lavia. ???? pic.twitter.com/zLGinvTWrV
— Fabrizio Romano (@FabrizioRomano) September 28, 2024
Athugasemdir
