Annar af ræningjunum, Abderaham Muse, réðist á Gabriel með hafnaboltakylfu en Gabriel sló hann í andlitið og glímdi við hann þar til Muse flúði af vettvangi.

Muse er 26 ára og var dæmdur í fimm ára fangelsi í síðasta mánuði eftir að hafa verið fundinn sekur um ránstilraunina í ágúst. Gabriel tók af honum húfuna í átökunum og með DNA sýnum frá húfunni var hægt að sanna sekt Muse, sem er góðkunningi lögreglunnar og var á skilorði.

Myndband úr öryggismyndavél sýnir átökin sem áttu sér stað en Gabriel og vinur hans sluppu ómeiddir.