Vinicius Jr skoraði bæði mörk Real Madrid
Mason Greenwood hefur komið að ellefu mörkum í La Liga
Topplið Real Madrid missti af góðu tækifæri til að ná níu stiga forystu á toppi La Liga er liðið gerði 2-2 jafntefli við Valencia á Mestalla-leikvanginum í kvöld.
Madrídingar voru með sex stiga forystu á Girona fyrir leikinn í kvöld en ekki byrjaði það vel fyrir gestina.
Hugo Duro skoraði á 28. mínútu eftir mistök í varnarleik Real Madrid. Fyrirgjöfin kom frá hægri og á fjær þar sem Fran Perez var klár í skot. Það var arfaslakt en varð að geggjaðri sendingu á hausinn á Duro sem stangaði boltann í netið.
Valencia-menn nýttu sér meðbyrinn og bættu við öðru í kjölfarið en það kom eftir ömurlega sendingu Dani Carvajal til baka. Roman Yeremchuk komst inn í sendinguna, fór framhjá Kepa og skoraði.
Madrídingar komu til baka. Brasilíumaðurinn Vinicius Jr minnkaði muninn undir lok hálfleiks og jafnaði síðan metin þegar stundarfjórðungur var til leiksloka, en sigurmarkið kom ekki. Jude Bellingham fékk hins vegar að líta rauða spjaldið seint í uppbótartíma og gæti því verið á leið í þriggja leikja bann.
Real Madrid er því á toppnum með sjö stiga forystu og getur Girona því saxað á forskotið á morgun niður í fjögur stig.
Englendingurinn Mason Greenwood skoraði annað mark Getafe í 3-3 jafntefli gegn Las Palmas.
Greenwood hefur nú skorað sex deildarmörk og gefið fimm stoðsendingar á tímabilinu. Hann er á láni frá Manchester United, en óvíst er hvort hann eigi framtíð hjá félaginu. La Liga hentar honum alla vega vel og er hann þegar farinn að vekja áhuga stórliðs Barcelona.
Úrslit og markaskorarar:
Getafe 3 - 3 Las Palmas
1-0 Jaime Mata ('11 )
2-0 Mason Greenwood ('14 )
2-1 Sandro Ramirez ('35 )
3-1 Nemanja Maksimovic ('45 )
3-2 Sergi Cardona ('50 )
3-3 Munir El Haddadi ('57 )
Rayo Vallecano 1 - 1 Cadiz
1-0 Florian Lejeune ('89 )
1-1 Javier Hernandez ('90 )
Valencia 2 - 2 Real Madrid
1-0 Hugo Duro ('27 )
2-0 Roman Yaremchuk ('30 )
2-1 Vinicius Junior ('45 )
2-2 Vinicius Junior ('76 )
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 22 | 18 | 1 | 3 | 60 | 23 | +37 | 55 |
| 2 | Real Madrid | 22 | 17 | 3 | 2 | 47 | 18 | +29 | 54 |
| 3 | Atletico Madrid | 22 | 13 | 6 | 3 | 38 | 17 | +21 | 45 |
| 4 | Villarreal | 21 | 13 | 3 | 5 | 39 | 23 | +16 | 42 |
| 5 | Betis | 22 | 9 | 8 | 5 | 36 | 28 | +8 | 35 |
| 6 | Espanyol | 22 | 10 | 4 | 8 | 26 | 27 | -1 | 34 |
| 7 | Celta | 22 | 8 | 9 | 5 | 29 | 23 | +6 | 33 |
| 8 | Real Sociedad | 22 | 7 | 7 | 8 | 30 | 30 | 0 | 28 |
| 9 | Osasuna | 22 | 7 | 5 | 10 | 26 | 27 | -1 | 26 |
| 10 | Alaves | 22 | 7 | 4 | 11 | 20 | 27 | -7 | 25 |
| 11 | Athletic | 22 | 7 | 4 | 11 | 21 | 31 | -10 | 25 |
| 12 | Girona | 22 | 6 | 7 | 9 | 21 | 36 | -15 | 25 |
| 13 | Elche | 22 | 5 | 9 | 8 | 30 | 32 | -2 | 24 |
| 14 | Sevilla | 21 | 7 | 3 | 11 | 28 | 33 | -5 | 24 |
| 15 | Getafe | 22 | 6 | 5 | 11 | 16 | 27 | -11 | 23 |
| 16 | Valencia | 22 | 5 | 8 | 9 | 23 | 35 | -12 | 23 |
| 17 | Vallecano | 22 | 5 | 7 | 10 | 18 | 30 | -12 | 22 |
| 18 | Mallorca | 21 | 5 | 6 | 10 | 24 | 33 | -9 | 21 |
| 19 | Levante | 21 | 4 | 6 | 11 | 24 | 34 | -10 | 18 |
| 20 | Oviedo | 22 | 3 | 7 | 12 | 12 | 34 | -22 | 16 |
Athugasemdir
